Heilsuferð til Dubai

Komdu með í ógleymanlega heilsuferð í febrúar til Dubai þar sem lúxus, ævintýri, heilsa og vellíðan mætast!

Ef þú ert kona sem elskar að stunda hreyfingu og vilt komast í sól og ævintýralegt umhverfi þar sem andleg og líkamleg heilsa er sett í fyrsta sæti þá er þessi ferð fyrir þig.

Markmið ferðarinnar er að skapa rými fyrir konur til þess að finna kraftinn sem í þeim býr í gegnum daglega hreyfingu og sjálfstyrkingu undir handleiðslu Sigrúnar Fjeldsted. Æfingarnar henta þeim sem eru nú þegar að stunda reglulega hreyfingu en áhersla er á fjölbreytta styrktarþjálfun auk þess sem farið er í reglulegar hlaupa/gönguferðir þar sem allar ættu að fá áskoranir við hæfi. Auk þess er Sigrún með heilsueflandi og sjálfstyrkjandi fyrirlestra og vinnustofur. Þess á milli er nægur  frítími og val um að upplifa ævintýri í Dubai.

Sigrún Fjeldsted er sálfræðimenntaður markþjálfi, náms- og starfsráðgjafi, kennari og þjálfari sem brennur fyrir að styrkja og efla konur. Hún hefur alla tíð haft áhuga á öllu sem snýr að andlegri og líkamlegri heilsu og starfar við þjálfun, kennslu og ráðgjöf. Sigrún heldur úti vefsíðunni www.sigrunfjeldsted.is og instagram síðunni @andlegoglikamlegheilsa. Heilsuferðin er ferð sem fær þig til að blómstra! Sigrún fór með hóp til Króatíu í október en það seldist hratt upp í ferðina og færri komust að en vildu.

Hafðu samband og tryggðu þér sæti í þessa mögnuðu ferð.